Nýr skóli á gömlum grunni

Vallaskóli varð til 1. ágúst 2002 við sameiningu skólanna tveggja á Selfossi, Sólvallaskóla og Sandvíkurskóla. Skólinn er því nýr skóli á gömlum grunni.

Rætur skólans má rekja til skólahalds í Sandvíkurhreppi sem hófst 1907 og var í formi farkennslu.

Starfsstöðvar skólans eru í Sandvík og á Sólvöllum. Í Sandvík fer fram kennsla í 1.-4. bekk en 5.-10. bekk er kennt á Sólvöllum. Skólinn rekur einnig skólavistun í sérhúsnæði (Bifröst) við hlið Sólvalla. Nemendur í skólanum eru um 620 og starfsmenn um 102.

Skrifstofan er opin frá 7:30 til 16.00 alla virka daga og símanúmer skólans er 480-5800. Netfang skólans er vallaskoli@vallaskoli.is