Í vikunni var þorrablót hjá krökkunum í 4. bekk. Frá hausti hafa krakkarnir verið að vinna með bókina „Komdu og skoðaðu íslenska þjóðhætti“. Þar lærðu þeir um gömlu mánaðaheitin og hvaða störf voru unnin áður fyrr í sveitum landsins. Hver mánuður var lesinn og unnin fjölbreytt einstaklingsverkefni sem öllum var safnað saman í stórar vinnubækur.
Í framhaldi af þessari vinnu hélt hver bekkur þorrablót. Krakkarnir gerðu boðskort og buðu foreldrum sínum og sumir ömmum og öfum á þorrablótið. Á blótinu komu krakkarnir upp í púlt og lásu eigin texta um þann mánuð sem þeir áttu að fjalla um. Einnig sungu þeir fyrir gesti sína.
Þorramatur
Að þessu loknu smökkuðu allir á þorramat og drukku mysu. Krakkarnir voru misduglegir við að smakka á þorramatnum en allir stóðu sig mjög vel við upplesturinn. Með þessu verkefni voru margar námsgreinar samþættar, þ.e.a.s. samfélagsfræði, íslenska, tónmennt, leikrækn tjáning og tölvur.
Bryndís, Margrét og Sigrún Sig.
