Krakkarnir okkar stóðu sig með prýði í Skólahreystinni þetta árið. Teitur Örn varð í 1. sæti í dýfunum og í 3. sæti í upphífingum. Eydís Arna varð í 2. sæti í armbeygjukeppninni og 9. sæti í hreystigreip. Eysteinn Máni og Rannveig Harpa urðu í 1. sæti í hraðaþraut. Við lentum í hörkuspennandi keppni við Hvolsskóla og réðust úrslit ekki fyrr en í síðustu grein. Hvolsskóli varð í 1. sæti, 1,5 stigi á undan okkur í Vallaskóla. 2. sæti staðreynd en annars glæsilegur árangur hjá okkar krökkum sem voru ásamt stuðningsliðinu skólanum til fyrirmyndar.

 

En það er ekki allt búið enn!

Í hádeginu í dag, föstudaginn 28. mars, kom það svo í ljós að Vallaskóli varð annar af tveimur stigahæstu skólunum sem lentu í öðru sæti (Vallaskóli 45,5 stig og Holtaskóli 50 stig). Og þessir tveir skólar fá að fara áfram í úrslitakeppnina sem fram fer 16. maí nk. í Laugardalshöllinni. Keppnin verður í beinni útsendingu og hefst kl. 20.00. Þetta er annað árið í röð sem Vallaskóli kemst í úrslitakeppnina.

Við óskum Teiti, Konráð, Eysteini, Eydísi, Rannveigu og Þórunni innilega til hamingju með árangurinn með von um gott gengi 16. maí.

Ljósmynd: Af www.skolahreysti.is.

Ljósmynd: Af www.skolahreysti.is. Frá vinstri: Teitur Örn Einarsson, Konráð Oddgeir Jóhannsson, Eysteinn Máni Oddsson, Eydís Birgisdóttir, Rannveig Harpa Jónþórsdóttir og Þórunn Ösp Jónasdóttir.