Lið Vallaskóla vann 2. undanúrslitariðil í Skólahreysti MS 2013, dyggilega stutt af áhorfendum úr 9. bekk Vallaskóla. Voru lið úr grunnskólum vítt og breitt af Suðurlandi mætt til leiks. Keppnin fór fram í íþróttahúsinu í Smáranum í Kópavogi og sáu starfsmenn Zelsiuz um að ferja stuðningsmenn Árborgarliðanna til og frá Árborg.

Úrslit urðu þau að Vallaskóli sigraði með 63 stig. Í öðru sæti varð Hvolsskóli með 53,5 stig og í því þriðja varð Grunnskólinn í Þorlákshöfn með 44,5 stig.

Lið Vallaskóla er þannig skipað: Teitur Örn Einarsson, Harpa Hlíf Guðjónsdóttir, Rannveig Harpa Jónþórsdóttir, Eysteinn Máni Oddsson. Varamenn eru: Eydís Birgisdóttir og Konráð Jóhannsson.

Þjálfarar liðins eru íþróttakennaranir Guðmundur Garðar Sigfússon og Gylfi Birgir Sigurjónsson.

Úr frétt af www.skolahreysti.is segir að Harpa Hlíf Guðjónsdóttir hafi sigrað í armbeygjum en þau Rannveig og Eysteinn Máni hafi sigrað í hraðaþrautinni. Nánari upplýsingar er að finna á heimasíðu Skólahreysti. Þess má geta að fyrsti þátturinn í Skólahreysti verður sendur út á RÚV 26. mars kl. 20.00. Úrslitakeppnin verður svo haldin 2. maí í Laugardagshöllinni. Það eru því spennandi tímar framundan í Skólahreysti.

Mynd: Skólahreysti (birt með leyfi).

Mynd: Skólahreysti (birt með leyfi). Lið Vallaskóla 2013. Frá vinstri: Guðmundur Garðar, Harpa Hlíf, Rannveig Harpa, Eysteinn Máni, Teitur, Eydís, Konráð og Gylfi Birgir.