DSC03469Í vetur hafa nemendur í 7. bekkjum Vallaskóla æft sig í upplestri á bundnu og óbundnu máli.  Æfingarnar gengu vel og allir lögðu sig fram.  Í lokin var haldin skólakeppni og valdir bestu flytjendurnir. Sigurvegarar urðu síðan fulltrúar skólans í Stóru upplestrarkeppninni.  Þrír nemendur voru valdir sem aðalmenn og einn til vara. Það voru þau; Ágúst Máni Þorsteinsson, Haukur Þór Ólafsson og Hildur Helga Einarsdóttir til vara var Gabríel Bjarni Jónsson.

Lokakeppnin var haldin fimmtudaginn 12. mars í grunnskólanum á Stokkseyri. Þar kepptu 15 nemendur frá fimm grunnskólum. Nemendur okkar stóðu sig með mikilli prýði.  Hildur Helga varð í þriðja sæti og Haukur Þór var verðlaunaður sérstaklega fyrir mjög góðan flutning á ljóði.

[GEM]