Allt er vænt sem er grænt. Það á sérstaklega um ,,græna kallinn“ í Olweusaráætluninni gegn einelti. Grænn dagur var einmitt haldinn föstudaginn 20.9 í Vallaskóla og allir hvattir til að mæta í einhverju grænu. Með þessu erum við á táknrænan hátt að segja nei við einelti og berum þá von í brjósti að allir sýni jákvæðni og sveigjanleika í samskiptum. Samhliða grænum degi erum við líka að halda upp á upphengidaginn en þá eru bekkjareglur hengdar upp á veggi vítt og breitt í umsjónarstofum.
